Assosiasaun knua kay Rala Xanana Gusmão Abertura Jogu Desportiva (Radio)

Aileu – Assosiasaun knua kay Rala Xanana Gusmão ho autoridade lokal, munsipiu Aileu, domingo ne’e abertura jogu desportiva, hodi komemora loron konsulta popular 30 de agosto ba dala 21.

Administrador munisipiu Aileu, João Tilman Do Rego hateten, aktividade ne’e hodi komemora loron konsulta popular ba dala 21 iha Aileu no prepara fini desportiva ba iha futuru.

Aktividade despotru ne’e mak hanesan, basket ball, volly ball no futebool inklui loke filmajen kona ba istoria Timor Leste ba prosesu ukun rasik a’an.

Reprejentante, komandante PNTL munisipiu Aileu, sarjento polisia, José Lopes apela ba joven sira tenki garantia nafatin paz no estabilidade durante jogu amizade iniziu to’o final.

Presidente komisaun organizadora Jaime Reinato Soares súbliña, material no equipamentus hanesan premio taxa, futeball, foly ball, farda ba jogadores, rede baliza, apoiu husi knua Kay Rala Xanana Gusmão.

Jogu amizade ne’e, hahu iha loron 22 fulan agusto no sei termina iha loron 4 setembru tinan ne’e involve husi suku 8, iha postu administrativo Aileu Villa.

Partisipa iha abertura jogu amizade autoridade lokal, PNTL, reprejentante asosiasaun knua Kay Rala Xanana Gusmão, jogadores, inklui komunidade sira.

(Tofer/C/Siso)

How do you react to this article?

You have reacted on "Assosiasaun knua kay Rala Xanana Gusmão Abertur..." A few seconds ago