Governu Hahu Implementa Polítika Nacional Ba Protesaun Promosaun Ba Ema Ho Deficiência (Radio)

Dili – Governu hahu implementa ona polítika nacional ba protesaun promosaun ba direitu ema ho deficiência.
Polítika ne’e iha kooperasaun entre liñas ministeriais ba periodo tinan 2020 – 2024, hodi hare ema ho deficiencia iha aspetu hotu-hotu ba dezenvolvimentu nacional.
Assuntu ne’e hatoo husi diretor nacional ba protesaun direitu ba ema ho deficiencia, Matias Da Silva, iha nia knaar fatin, ministerio solidaridade social no inkluzaun, Caicoli Dili, quarta-feira semana ne’e.
Nia hateten, planu ne’e hahu iha tinan 2014 – 2018, maibe implementsaun laiha progressu ne’ebe diak, tanba ne’e halo revisaun ba planu asaun daruak durante tinan 5.
Responsavel ne’e iha esperansa katak, sei implementa politika ne’e iha tinan 2021, karik iha ona alokasaun orsamentu liu husi OJE 2021.
Bazeia ba konstituisaun RDTL, artigu 21 no 16 kona-ba direitu no obrigasaun nudar deficiente iha Timor-Leste, no mos universalidade ba igualdade katak sidadaun hotu tenke hetan tratamentu ne’ebé hanesan.
(Cilda/Eko)







Add to Comments Here!!!!