MP Hasai Ona Desizaun Ba Diresaun Patrimoniu Estadu Atu Hahu Halo Leilaun (Radio)

Dili – Ministériu públiku hasai ona desizaun ba diresaun patrimoniu estadu atu hahu halo leilaun ba motorizada atus ida lima nulu resin.

Asuntu ne’e, hatoo husi Prokurador Jeral Republika José Da Costa Ximenes hafoin remata reuniaun ho xefi estadu Francisco Guterres Lu-Olo iha palacio prezidensial, Bairo Pite Dili.

José Ximenes hateten, motorizadas sira ne’e propoin husi komandu polisia munisípiu Dili iha tinan kotuk.

Dau-daun ne’e diresaun lojistika ministeriu publiku halo ona koordenasaun ho diresaun patrimoniu estadu atu avansa ba konkursu lelaun.

Antes ne’e, diretora jeral interina jestaun patrimonia estadu, Timotea Marques konfirma, diresaun jeral patrimoniu estadu, sei públika konkursu públiku no interna, iha fulan agosto laran, ba prosesu lelaun ba trasnportes ne’ebe pertense ba estadu.

Desde 2019, diresaun jeral patrimonia estadu kontribui ona reseitas ba estado hamutuk rihun hat resin.

Tuir dados, total kareta iha unidades, atus rua resin no motor iha unidades atus ne’en resin, sei submete ba lelaun, tanba laiha dokumentus.

(Manuel/Siso)

How do you react to this article?

You have reacted on "MP Hasai Ona Desizaun Ba Diresaun Patrimoniu Es..." A few seconds ago