PM Preokupa Ho Diplomata La Kumpri Regras EE (Radio)

Dili – Xefi governu preokupa ho diplomata balu la tuir regras estadu emerjencia ne’ebe governu impoin.

Preokupasaun ne’e, aprezenta tersa-feira ne’e husi xefi governu Taur Matan Ruak, iha Parlamentu Nasional hafoin partisipa debate deklarasaun estadu emerjencia.

Taur Matan Ruak hateten, embaixada sira uza lei konvencoens vienna hodi la kumpri regras ne’ebe governu impoin iha estadu emerjencia.

Tuir Nia, wainhira embaixada sira hatudu hanesan ne’e oinsa maka governu bele halo kontrolu maxímu.

Maibé, Ministra Negósiu Estranjeiru No Koperasaun Adalgiza Magno hateten, diplomata sira iha imunidade bazea ba lei konvencoens vienna wainhira sira la kopera ita labele obriga atu halo teste ba sira.

Xefi diplomata ne’e argumenta, konvencoens vienna maka regula diplomata sira hanesan embaixador sira ne’ebe halo viegem ba rai liur bazea ba konvicoens vienna iha artigu 29 to 31 livremente ba sira atu halo viegem.

(Domingos/Siso)

How do you react to this article?

You have reacted on "PM Preokupa Ho Diplomata La Kumpri Regras EE (R..." A few seconds ago