Deputadu Husu Governu Aplika Medidas Administrativas No Deklarasaun EE (Radio)

Dili – Deputadu husu governu aplika, medidas administrativas no deklarasaun estadu emerjensia, ba asaun preventiva COVID-19.

Membro komisaun defeza no segurasa parlamentar deputadu David Diaz Mandati afirma, meios hirak ne’e hanesan baze legal ida ba autoridade seguransa hodi halo kontrolu maxímu iha liña fronteriza ba moviementu sidadaun sira nian.

Deputadu Mandati husu mós ba sidadaun sira atu konsiéncia hodi labele movimenta tama no sai iha area fronterija.

Iha parte seluk, Parlamentu Nasional sei kovoka plenaria extra-ordniria hodi diskuti implementasaun estadu emerjensia, bainhira governu husu ona autorizasaun ba Parlamentu Nasional.

Maibe deputadu Antonio Verdial husi bankada KHUNTO la aseita atu estadu Timor Leste implementa Estado Emerjensia, maibe reforsa deit servisu iha linha fronteriza hodi kontrolu ba movimentasaun ilegais.

(Alau/Siso)

How do you react to this article?

You have reacted on "Deputadu Husu Governu Aplika Medidas Administra..." A few seconds ago