FMTL konsidera Esbosu Lei Kriminaliza Defamasaun Hamate Liberdade Demokrasia (Radio)

Dili – Front Mahasiswa Timor Leste, sosiedade sivil, asosiasaun jornalista sira, konsidera esbosu lei kriminaliza defamasaun hamate liberdade demokrasia iha Timor Leste.

Asuntu ne’e, aprezenta husi portavoz FMTL José Lino Pereira liu husi konferénsia imprensa, iha kampuz Liceu UNTL Dili, segunda-feira semana ne’e.

José Lino Pereira husu ba minitériu justisa atu estuda klean natureza Timor Leste nian, hafoin halo lei hodi implenta iha nasaun RDTL.

Tamba ne’e, FMTL, sosiedade sivil ho asosiasaun jornalista sira, sei aprezenta akta ida ba iha ministru justisa atu asina, nune’e labele kontinua implenta esbosu lei kriminalizasaun defamaun.

Diretor ejekutivu FONGTIL Daniel Santos Carmo konsidera, lei krimanaliza defamasaun demostra inkapasidade ministru justisa no salva governante sira nia a’an atu livre husi kritíku sosiedade.

Presidente asosiasaun jornalista Timor Leste Jevonia Vieira rejeita esbosu lei kriminalizasaun defamasaun, tamba hamate liberade espresaun no hamate demokrasia iha Timor Leste.

Antes ne’e, ministru justisa Manuel Cárceres garante esbosu lei kriminaliza defamasaun la defende governante ou politiku no la hamete liberdade espresaun.

(Juvenal/Meu/Siso)

How do you react to this article?

You have reacted on "FMTL konsidera Esbosu Lei Kriminaliza Defamasau..." A few seconds ago