PDHJ Konklui Relatoriu Trimestre Husi Keixa Sanulu (Radio)

Dili – Provedoria direitus humanus no justisa – PDHJ konklui relatoriu trimestre husi keixa sanulu ligadu ho kazu violasaun direitus humanus no governasaun diak.

Kazu hirak ne’e, komete husi instituisaun relevantes hanesan PNTL, ministeriu administrasaun estatal, sekretariu estadu juventude desportu, ministeriu finansas, inklui ministeriu obras publikas.

Liu husi ceremonia entrega relatoriu kinta-feira ne’e, provedora Jesuina Maria Gomes rekoñese, violasaun direitos humanus barak komete husi membrus PNTL.

Reprezentante komandante jeral PNTL superintendente xefi José Soares, apresia ho esforsu PDHJ nian, ne’ebe halo monitoriza ba aktividade no atuasaun membru polisia nian ne’ebe viola regras direitus humanus.

PDHJ fo tempu durante loron tolunulu ba instituisaun relevante sira atu foti medidas tuir rekomendasaun PDHJ nian.

Hafoin laiha resposta liu loron 60, PDHJ sei aprezenta hikas relatoriu ne’e ba Parlamentu Nasional.

(Juvenal/Siso)

How do you react to this article?

You have reacted on "PDHJ Konklui Relatoriu Trimestre Husi Keixa San..." A few seconds ago