JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PDHJ Prontu Apoiu KAK Kombate Korupsaun Iha Timor Leste (Radio)

PDHJ Prontu Apoiu KAK Kombate Korupsaun Iha Timor Leste (Radio)

Dili – Provedoria direitus humanus no justisa, prontu apoiu komisaun anti korupsaun – KAK, kombate kazu korupsaun iha Timor Leste.

Prontidaun ne’e, hato’o husi provedora provedoria direitus humanus no justisa Jesuina Maria Gomes relasiona, aprovasaun lei anti korupsaun iha Parlamentu Nasional ho votus afavor 61 kontra 0 no abstensaun 0.

Provedora Jesuina Maria Gomes hateten, PDHJ sei foka iha area prevensaun bainhira lei anti korupsaun tama iha vigor.

Tamba ne’e, PDHJ iha ona akordu ho komisaun anti korupsaun, inspesaun jeral estadu, komisaun funsaun publika, hodi halo prevensaun ba kombate korupsaun, promove governasaun diak iha Timor Leste.

Iha parte seluk, provedoria direitus humanus no justisa haruka ona pareser ba Presidente Repúblika, Parlamentu Nasional no Primeiru Ministru konaba esbosu lei kriminaliza defamasaun.

Tamba, konsidera la nesesariu atu halo alterasaun ba esbosu lei kriminalizasaun defeamasaun iha kodigu penal Timor Leste.

Antes ne’e, ministru justisa Manuel Carceres deklara alterasaun esbosu lei kriminaliza defamasaun la defende governante sira no la hamate liberdade espresaun iha Timor Leste.

(Juvenal/Siso)

How do you react to this article?
Like
Love
Haha
Wow
Sad
Angry
You have reacted on "PDHJ Prontu Apoiu KAK Kombate Korupsaun Iha Tim..." A few seconds ago

Add to Comments Here!!!!

error: Content is protected !!