MSSI Aprezenta Alterasaun Lei Pensaun Vitalisia Ba Komisaun A (Radio)

Dili – Ministriu solidaridade sosial no inkluzaun, apresenta alterasaun lei pensaun vitalisia ba komisaun A assuntu lei no justisa Parlamentu Nasional.

Hafoin audiénsia, iha Parlamentu Nasional vice ministra solidaridade sosial no inkluisaun Signi Sandrawati Verdial hateten, alterasaun lei ne’e inisiativa husi governu, bazeia ba preokupasaun publiku nian kona ba pensaun vitalisia ba titulares no eis titulares.

Governante ne’e fundamenta, bainhira Parlamentu Nasional aprova alterasaun lei pensaun vitalisia sidadaun hotu sei iha deit kontribuisaun ba seguransa social, maibe pensaun vitalisia sei la hetan.

Vice presidenti komisaun A ba asunto lei no justisa Francisco De Vas Conselhos afirma, Parlamentu Nasional iha komitmentu atu halo alterasaun ba lei pensaun vitalisia, bazeia ba komprimisiu eleitoral husi partidu politika sira iha periodu kampaña leitoral.

Entretanto; proposta alterasaun lei pensaun vitalisia ne’ebe ministeriu solidaridade sosial aprezenta ba Parlamentu Nasional ho total artigo hamutuk 8, ne’ebe sei diskuti klean husi deputadu sira antes aprova iha plenaria.

(Alau/Siso)

How do you react to this article?

You have reacted on "MSSI Aprezenta Alterasaun Lei Pensaun Vitalisia..." A few seconds ago