Kliníka Bairu Pite Rejista Kazu Moras Mal Nutrisaun Hamutuk 98 (Radio)

Dili – Kliníka Bairu Pite rejista kazu moras mal nutrisaun hamutuk sianulu resin ualu, husi inisiu fulan janeiru to’o juñu, tinan ne’e.

Diretor kliníka Bairu Pite, Inacio Dos Santos hateten, kazu mal nutrisaun kontinua a’as iha Timor Leste tamba, inan isin rua sira la fo espasu ba oan, atu konsumu susuben inan nian no menus hahan nutritivu sira.

Ezekutivu ne’e husu ba inan isin rua sira, tenki fó susu ben ba labaraik to tinan rua hodi prevene kasu mal nutrisaun.

Ezekutivu ne’e argumenta, klinika Bairu Pite oferese mos hahan nutritivu hanesan batar u’ut, planfinat ba labarik sira ne’ebe sofre moras mal nutrisaun grave no moderadu, nune’e bele rekupera hikas sira nia todan.

Kliníka Bairu Pite lansa mos programa hakbiit feto no saude feto hodi garante saude ne’ebe diak ba inan isin rua sira, durante isin rua.

(Juvenal/Siso)

How do you react to this article?

You have reacted on "Kliníka Bairu Pite Rejista Kazu Moras Mal Nutri..." A few seconds ago