Governu Sei Implementa Programa Melloramentu Ba Jestaun Residus Solidus Urbana (Radio)

Dili – Governu sei implementa programa melloramentu ba jestaun residus solidus urbana, iha sidade Dili ho orsamentu 2021.

Medida ne’e, hodi monta fatin lixeira no aumenta transporte hodi tula lixu ne’ebe ho kualidade di’ak.

Asuntu ne’e, aprezenta tersa feira ne’e, husi ministru administrasaun estatal, miguel pereira de carvalho, hafoin audensia ho xefe governu Taur Matan Ruak iha palasiu do governu Dili.

Ministru Miguel Pereira De Carvalho hateten, politika governu nian ne’e, liu husi ministeriu administrasaun estatal ne’ebe sei implementa iha tinan oin, ne’ebe aprova ona iha sestu governu konstitusional.

Iha parte seluk governu tau mos preoridade ba programa nasional dezenvolvimentu suku, ne’ebe governu aloka ona orsamentu ba autridade lokal ho montante kuaze dolares amerinakanu rihun hat nulu to’o rihun nen nulu.

(Domingos/Siso)

How do you react to this article?

You have reacted on "Governu Sei Implementa Programa Melloramentu Ba..." A few seconds ago