KAK Agradese Ba Entidades Hotu Ne’ebe Kontribui Ona Hodi Elabora Projetu Lei Anti Korupsaun (Radio)

22 Julho 2020
0 Comments
421 View.

Dili – Komisaun anti korupsaun agredese ba entidades hotu ne’ebe kontribui ona, hodi elabora projetu lei anti korupsaun to’o hetan aprovasaun iha Parlamentu Nasional ho unaminidade.

Komisaun KAK Sergio Hornai deklara, bainhira lei ne’e tama ona iha vigor antes ba implementasaun, jornalista sira nia servisu sei importante hodi publika imformasuan kriminal sira.

Komisario KAK Sergio Hornai konsidera, aprovasaun lei ne’e, iha kapitulu tolu importante tebes, hodi kombate korupsaun iha Timor Leste, maibe komisaun anti korupsaun mos sei prepara didiak rekursu hodi implementa lei ne’e ho diak.

Komisaun KAK Sergio Hornai fundamenta, bainhira lei ne’e tama iha vigor, sei assegura publikasaun notísia husi jornalista sira relasiona asunto Kriminal.

Komisario KAK Sergio Hornay, husu atu aumenta tan lei komplementar sira hanesan protesaun ba testamunha, denunsiamentu no ciber krime.

Entretanto; ezekutivo sira mos sei halo desaminasaun ba lei refere durante loron 180 ba komunidade sira iha baze bainhira hetan ona promulgasaun husi presidenti republika.

Enquanto; projetu lei medidas preventivas kombate korupsaun kompostu husi artigo 118 aprova iha Parlamentu Nasional ho votus unaminidade afavor 61 kontra no abstensaun 0.

(Alau/Siso)

How do you react to this article?