SEFOPE Sei Lori Fila Traballodor 54 Ne’ebe Komete Iregularidade (Radio)

Dili – Sekretariu estadu formasaun profisional no empregu, ameasa atu deporta obrigatoriu mai Timor Leste, traballadores lima nolu resin hat, ne’ebé servisu iha Korea no Austrália, tanba komete iregularidade.

Diretor jeral SEFOPE, Paulo Alves ba RTL iha nia kna’ar fatin Kaikoli Dili, aprezenta pozisaun ne’e, relasiona traballadores iha estrangeiro komete iregularidade.

Nia hateten, dadaun ne’e SEFOPE halo ona komunikasaun ho embaxada Timor Leste iha Australia no korea, atu buka tuir traballador iregularidade sira hodi haruka fila mai Timor Leste.

Traballador ne’ebe komete iregularidade iha Australia no Korea hamutuk lima nolu resiin hat.

Enquanto, traballadores ne’ebé sei ativu servisu, iha Australia hamutuk rihun ida atus ida tolu nolu no korea iha rihun rua atus neen hitu nolu resin neen.

(Cipri/Siso)

How do you react to this article?

You have reacted on "SEFOPE Sei Lori Fila Traballodor 54 Ne’ebe Kome..." A few seconds ago