JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Deputadu Luis Roberto Husu Deskulpa Ba Igreja No Sarani (Radio)

Deputadu Luis Roberto Husu Deskulpa Ba Igreja No Sarani (Radio)

Dili – Deputadu Luis Roberto husu deskulpa ba igreja no sarani tomak ho deklarasaun ne’ebe hasai iha semana foin lalais ne’e, kona ba amu lulik sira atu hasai batina halo politika.

Deputadu bankada KHUNTO ne’e, husu mos ba joven sira atu utiliza media sosial ho di’ak, hodi labele halo insultasaun hodi kria instabilidade iha rai laran.

Atual segundo vice presidenti deputadu Luis Roberto hateten, hanesan ema sarani, nia rekoñese sala ne’ebe nia halo iha semana kotuk, hodi koalia hasoru amo lulik sira atu hasai batina ba halo politika.

Tamba ne’e, nia husu ba deputadu no sarani sira hotu atu labele kolia at ba malu maibe tenki servisu hamutuk hodi kontribui ba dezemvolvimentu nasional.

Iha parte seluk, deputadu Luis Roberto Da Silva husu mos ba joven sira atu uja media sosial ho responsabilidade hodi kria pas no estabilidade, labele uja média sosial hodi insulta malu ba kria instabilidade.

Antes ne’e, lider maxímu partidu KHUNTO José Dos Santos Namori Bukar mos lori militantes no simpatisantes sira husu deskulpa ba igreja liu-liu amo bispo no amu lulik sira.

(Alau/Siso)

How do you react to this article?
Like
Love
Haha
Wow
Sad
Angry
You have reacted on "Deputadu Luis Roberto Husu Deskulpa Ba Igreja N..." A few seconds ago

Add to Comments Here!!!!

error: Content is protected !!