MS Husu Profesional Saúde Sira Atu Hatudu Nafatin Profesional (Radio)

20 Julho 2020
0 Comments
275 View.

Aileu – Ministeriu saúde husu profesional saúde sira, atu hatudu nafatin profesional hodi redus número kazu mortalidade, inan no oan iha Timor Leste.

Pedidu ne’e, ható husi vice ministru saúde, Bonifacio Maukoli Dos Reis iha salaun saúde munisipal Aileu sexta feira ne’e, hafoin abertura formasaun ba mediku no parteira sira kona ba kuidadu saúde inan isin rua.

Kazu mortalidade inan no bebe, kada tinan kuaze ema 195 maka lakon vida, maibe númeru ne’e bo’ot liu iha sudeste asiatiku, tamba ne’e, liu husi formasaun ne’e atu eleva koinesimentu profesional saúde sira, hodi hala’o atendimentu diak liutan ba pasiente sira.

Reprejentante UNFPA iha Timor Leste Ronny Lindstrom konfirma, parseiro apoiu fundus formasaun, rihun rua nulu resin, dolar amerikanu.

Embasador Portugal iha Timor Leste, José Pedro Machado Viera konfirma, governu Portugal kuntinua fortalese kooperasaun no apoiu governo Timor Leste, iha area saúde ba kuidadu saude inan isin rua no bebe.

Formasaun ne’e sei hala’o durante loron tolu, no apoiu fundus husi ajensia internasional UNFPA iha Timor Leste.

(Tofer/C/Siso)

How do you react to this article?