Vice PPN Supende Provisóriu Plenária Tanba Mosu Dezentemento Entre CNRT No FRETILIN (Radio)

Dili – Vice presidenti Parlamentu nasional supende provisóriu plenária, tersa-feira ne’e tanba mosu dezentemento entre deputadu CNRT no FRETILIN.

Primeira vice presidenti Parlamentu Nasional, Maria Anjelina Sarmentu afirma, desizaun foti relasiona deputadu sira la mantein disiplina di’ak, tamba kontinua hamosu dezentendimentu ba malu durante plenária.

Primeira vice justifika, situasaun ne’e, akontese iha Parlamentu Nasional, tamba deputadu CNRT no FRETILIN kontinua koalia kontra malu ba prosesu luta ukun rasik an Timor Leste.

Hafoin ne’e, primeira vice presidenti parlamentu nasional, Anjelina maria sarmentu ensera sesaun plenaria, maske seidauk hetan resposta ruma husi ministro asunto parlamentar komunikasaun sosial kona ba preokupasaun hikak ne’ebe deputadu sira levanta.

Hafoin mosu dezentendementu ba malu, vice presidenti Parlamentu Nasional, uja nia kompetensia hodi normalija hikas sesaun plenária la’o normal.

Iha inisio plenaria, deputadu sira entre CNRT no FRETILIN diskuti ona kona ba prosesu dezemvolvimentu ne’ebe governasaun CNRT halo durante tinan 10 resin, ne’ebe povo barak seidauk satisfeito ho prosesu hirak ne’e, maibe CNRT nafatin defende an katak ema barak mak benefisia ona ba obra hirak ne’e.

(Alau/Siso)

How do you react to this article?

You have reacted on "Vice PPN Supende Provisóriu Plenária Tanba Mosu..." A few seconds ago