Ministru Interior Observa Dahuluk Kondisaun Iha Instituisaun PNTL (Radio)

Dili – Ministru interior, aktual primeiru ministru Taur Matan Ruak no vice ministru interior António Armindo, observa dahuluk kondisaun iha instituisaun PNTL.

Kinta feira ne’e halo vizita dahuluk ba komandu jeral PNTL Kaikoli Dili hodi hare kondisaun PNTL nian durante ne’e sira hasoru.

Liu husi servisu dahuluk, iha quinta feira ne’e, vice ministru interior, António Armindo hateten, vizita ministru interior ho vize ba kuartel PNTL atu kordena servisu ho komandante sira, hodi melora servisu di’ak liu tan serbisu iha future.

António armindo husu, ba membros PNTL sira, atu servisu ho profesional no dixiplina, hodi garante seguransa ba sidadaun no país.

Komandu jeral PNTL komisáriu, Faustino Da Costa sente kontente ho prezena ministru no vice ministru, nune’e bele observa kondisaun no situasaun iha instituisaun PNTL, hodi dezenvolve di’ak iha future.

Atividade vizita ne’e, konta ho partisipasaun, husi komandu jeral PNTL komisáriu Faustino Da Costa ho segundu komandante jeral PNTL komiário, Mateus Fernandes no komandante municípiu sanulu resin rua inklui ho RAEOA.

(Domingos/Siso)

How do you react to this article?

You have reacted on "Ministru Interior Observa Dahuluk Kondisaun Iha..." A few seconds ago