PM Kongratula Loron Mundial Feto

Dili – Primeiru Ministru Taur Matan Ruak, Kongratula Loron Mundial Feto Ne’ebé Selebra Loron 8 Fulan Marsu Tinan Ne’e No Husu Mane Sira, Atu Evita Violensia Domestika.

Mensagem Primeiru Ministru Taur Matan Ruak Ne’e Aprezenta Domingo Fim-De-Semana Ne’e, Hafoin Ensera Kongresu Partidu KHUNTO Ba Da Ruak Iha CCD Dili.

Xefe Governu Taur Matak Ruak Kontinua Enkoraza Feto Maluk Sira, Atu Luta Makaas Liu Tan, Ba Direitu Feto Sira Nian.

Selebrasaun Internasionál Ne’e Hahuú Iha Século Rua Nolu, Komesa Iha Estadus Unidus  No Iha Europa, Nuúdar Rekoñesimentu Ba Feto Sira Nia Partisipasaun Iha Area Ekonómia, Politika, No Sosial.

Loron Ne’e Marka Nia Istória Nuúdar Aksaun Protesta Ida Ne’ebé Halo Iha Nova Iorke, Estadus Unidus Amerika, Iha Loron 8 Marsu 1857 Ba Feto Sira Ne’ebé Hetan Mal Tratadu Iha Servisu Fatin Tamba Krize Finaseira.

Loron Ne’e Mós, Nuúdar Loron Ida, Hodi Hanoin Fali Dezastre Ai-Han Fabrika Ho Naran Triangle Shirtwaist Ne’ebé Halakon Feto Naín 140 Iha Sidade Nova Iorke, Iha Tinan 1911.

(Domingos/Qonusere)

How do you react to this article?

You have reacted on "PM Kongratula Loron Mundial Feto" A few seconds ago