Dirijente KI Nain Rua Ameasa Sofre Suspensaun No Multa

31 Julho 2019
0 Comments
129 View.

Dili – Ministériu Públiku Alega Arguida Nain Rua, Ba Kazu Deskonfia Abuzo Poder, No Pekulatu, Ne’ebé Komete Husi Funsionáriu Konsellu Imprensa.

Desijaun Final Ba Kazu Ne’e Tribunal Adia Ba Loron 26 Fulan Setembru Tinan Ne’e.
Arguida Nain 2, Iha Alegasaun Final Ministériu Públiku, Husu Ba Tribunal Distrital Dili, Atu Foti Medidas Suspensaun No Multa.

Rajaun Ministériu Públiku Husu Pena Ne’e Tamba Arguida Nain 2, Provadu Komete Iha Aktus Ne’e.

Maibe Hafoin Rona Alegasaun, No Deklrasaun Husi Defeza, Tribunal Deside Sei Leé Desizaun Iha Loron 26 Fulan Setembru.

Arguida Nain 2, Akuzadu Ho Krime Pekulatu De Uso, No Abuso De Poder, Tamba Kontra Artigu 296, No 297 Kodigo Penal Timor –Leste.

Arguida Nain Rua, Ho Inisial AS Ho LV, Goza Hela Lisensa Anual, Maske Diretor Interinu Rejeita Atu Asina Pedidu Lisensa.

Maibe Arguida Ne’ebé Lisensa Anual Hela, Asina Karta Autorizasaun Ba Arguida Seluk, Hodi Ikus Mai Sira Nain Rua, Uza Kareta Ho Xapa Matrikula 06-378 G, Ba Hala’o Tratamentu Oan Nia Saúde Iha Kupaun – Indonesia.

Tuir Dokumentu Ofisial Husi Embaixada Indonesia Nian, Númeru Referensia 0105/Skmk/Kons/Xii/2018, Kareta Ho Xapa Matrikula 06-378 G, Ultra-Pasa Fronteira Mota Ain Ba Kupaun-Indonesia.

(Jhon/Qonusere)

How do you react to this article?