Autoridade Seguransa Sei La Tolera Grupu Arte Marsiais Ne’ebé Kria Instabilidade

Dili – Autoridade Seguransa, No Defesa Sei La Tolera Grupu Arte Marsiais Ne’ebé Kontinua Kria Instabilidade Iha Rai Laran.

Asunto Ne’e Apresenta Husi Ministru Defesa No Interior Interino Filomeno Paixão De Jesus, Hafoin Remata Enkontru Ho Primeiru Ministru Taur Matan Ruak, Iha Palaciu Governu Dili, Kuarta-Feira Semana Ne’e.

Ministru Filomeno Paixão De Jesus Hateten, Antes Ne’e Nia Parte Forma Task Force Integradu, Hodi Identifika Grupu Organizadu Sira Ne’ebé Tenta Kria Instabilidade.

Governante Ne’e Argumenta, Wainhira Grupu Arte Marsiais Sira La Koopera, Ho Autoridade Seguransa No Defesa, Nia Parte Sei Aplika Sansaun Regirozo Tuir Lei Armas Brankas No 5/2017, No Lei Arte Marsiais No 10/2018.

Kestiona Kona Ba Atu Reativa Fila Fali Grupu Artemarsiais Hodi Partisipa Iha Kompetisaun Desportu Filomeno Paixão De Jesus Hateten, La Iha Nesesidade Atu Reativa Hikas, Tamba Kontinua Oho Malu Bebeik.

Foin Lalais Ne’e Xefe Governu Taur Matan Ruak Husu Organizasaun Arte Marsiais Sira, Atu Iha Komitmentu Kontribui Ba Paz No Estabilidade.

Tuir Xefe Governu Taur Matan Ruak, Governu Sei Estuda Komisaun Regulador Arte Marsiais, Hodi Hare Atu Regula Grupu Arte Marsiais Sira, Hafoin Bele Reativa Hikas.

Antes Ne’e Xefe Estadu Francisco Guterres Lú Olo, Husu Governu, Atu Kria Regulamentu Regirozu, Wainhira Re-Ativa Organizsaun Arte Marsiais PSHT, IKS Kera Sakti, No Klibur Oan Timor Rai Klaran – KORK.

(Domingos/Qonusere)

How do you react to this article?

You have reacted on "Autoridade Seguransa Sei La Tolera Grupu Arte M..." A few seconds ago