Kapitaun Ida Ne’ebé Mak Komanda Postu Tunubibi Deteín Hela Iha Sela

Dili – Kapitaun Ida Ne’ebé Mak Komanda Postu Tunubibi Deteín Hela Iha Sela Polísia Militar Díli, Tamba Envolve Iha Konflitu Iha Maliana, Munisípiu Bobonaro Foin Lalais Ne’e.

Detensaun Ba Kapitaun Ne’e Hahu Iha Tersa-Feira Ne’e No Exérsitu Seksaun Ida Ho Membru 10 Resin Sei Submete Mos Ba Prosesu Investigasaun Ne’ebé Prezide Husi Ekipa Invetigadór Konjunta Entre PNTL No F-FDTL.

Hafoin Aprezente Servisu Semanal Ba Xefi Estadu Francisco Guterres Lú Olo Iha Palasiu Presidensial Dili, Major Jeneral Lere Anan Timur Konfirma, Kapitaun Ne’e Sei Kumpre Detensaun Durante Óras 72.

Xefe Estadu F-FDTL Husu Deskulpa Ba Komunidade, Tamba Membru F-FDTL Balun Uza Armas Hodi Tiru, Maske La Rezulta Estragus No Ema Kanek.

Antes Ne’e, Ministu Defesa Filomeno De Jesus Paixão Husu Komandu PNTL No F-FDTL Atu Demite Elementu Ne’ebé Mak Envolve Iha Konflitu Iha Maliana, Maibé Jenerál Lere Afirma, Lei La Autoriza Exonerasaun Ba Membru Sira.

Konflitos Entre Elementu Balun Husi PNTL No F-FDTL Akontese Hafoin, Konsertu Festival Bintang Iha Jinagio Maliana Sabado Fin De Semana.

Kazu Ne’e Akontese, Tamba Oknum Polisia No Forsas Armadas Ho Kondisaun Lanu No faila Iha Komunikasaun Hodi Lori Pistola Tiru Malu.

(Arcenio/Anis)

How do you react to this article?

You have reacted on "Kapitaun Ida Ne’ebé Mak Komanda Postu Tunubibi ..." A few seconds ago