JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

AMP Lamenta Ho Atitude Grupu Deskoñesidu Ne’ebe Hakanek Militante AMP Na’in 6

AMP Lamenta Ho Atitude Grupu Deskoñesidu Ne’ebe Hakanek Militante AMP Na’in 6

Dili (Nasional) – Aliansa Mudansa Ba Progresu – AMP Lamenta Grupu Deskoñesidu Ne’ebe Hakanek Militante AMP Na’in 6 Iha Suku Makadiki No Harahun Komunidade Nia Uma Iha Suku Waitame Postu Administrativu Watulari, Munisipiu Viqueque.

Koordenadór Komisaun Juridisaun Nasionál Arão Noé Konfirma, Kazu Ne’e Submete Ona Ba Prosesu Investigasaun Hodi Prosesa Autór Sira Tuir Lei.

Tuir Arão Noe, Kazu Ne’e Hanesan Planeadu Husi Grupu Balun Tamba Ne’e Husu Polisia Atu Halo Indentifikasaun Ba Autor Sira.

AMP Mos Apela Ba PNTL Atu Halo Atuasaun Ho Neutru Hodi Garante Paz No Estabilidade.

Kordenador Komisaun Nasional Juridisaun AMP Husu Nafatin Ba Militantes Sira Atu Hakmatek No Labele Insulta Malu.

Husi Sorin Seluk, Presidenti CNE Alcino Barris Hateten, Kazu Ne’e Rejista Ona Iha Órgaun Eleitorál No PNTL Halo Hela Investigasaun.

Relasiona Ho Possiblidade Husi Militante Fretilin, Sekretáriu Jerál Mari Alkatiri Deklara, Prosesu Tomak Entrega Ona Ba Polísia.

Entretantu, Kazu Ne’e Akontese Iha Suku Waitame, Postu Administrativu Watulari, Munisipiu Viqueque Sabadu Foin Lalais Ne’e No PNTL Konsege Kaptura Autor Nain Rua No Kazu Iha Makadiki, PNTL Kontinua Identifika Suspeitu Sira.

Komandante Polisia Munisipiu Viqueque Superintendente Antonio Mauluta Konfirma, Suspeitu Na’in Rua Kapturadu Husi PNTL No F-FDTL Iha Insidente Ne’ebé Akontese Iha Sábadu Fim De Semana.

Suspeitu Na’in Rua Deteín Hela Iha Sela Eskuadra PNTL Postu Administrativu Watulari, Hodi Submete Ba Prosesu Investigasaun.

(Tofer/Anis)

Add to Comments Here!!!!

error: Content is protected !!