PR Sei Konvoka Primeira Reuniaun Konsellu Estadu

23 Janeiro 2018
0 Comments
211 View.

Dili (Nasional) – Reuniaun Konsellu Estadu Ne’ebé Sei Realiza Iha Kuarta-Feira (24/01) Semana Ne’e Iha Palásiu Prezidensiál Díli Sei Taka Ba Públiku.

Informasaun Ne’e Transmite Husi Membru Konsellu Estadu Maria Dadi Magno No Argumenta Katak, Enkontru Ne’e Bazeia Ba Rejimetu Internu Konsellu Estadu Artigu 1/2005 No Konstituisaun RDTL Artigu 91.

Tuir Maria Dadi Magno, Konsellu Estadu Hanesan Fatin Ba Konsulta Polítika No Xefe Estadu Sei Konvoka Reuniaun Extraordináriu, Wainhira La Hetan Solusaun.

Sidadaun Na’in Lima Designada Ba Konsellu Estadu Bazeia Ba Dekretu Prezidente Númeru 73 To’o 77/2017, Mak Hanesan Faustino Godinho Goncalves, Laura Soares Abrantes, Maria Dadi Soares Magno, Oscar Lima No Alcino De Araújo Barris.

Membru Konsellu Estadu Ne’eb’e Maka Designadu Husi Parlamentu Nasionál Maka Hanesan, Aurora Ximenes Husi Partido Fretilin, Virgilio Smith Husi Partido CNRT, José Belo Husi Partido PLP, Virgilio Hornay Husi Partido PD No José Dos Santos Naimori Bucar Husi Partidu KHUNTO.

Kompeténsia Konsellu Estadu Tuir Konstituisaun RDTL Artigu 91 Mak Hanesan, Fó-Sai Kona-Ba Disolusaun Parlamentu Nasionál, Demisaun Governu Nian, Deklarasaun Funu No Oinsá Atu Hala’o Dame, Kazu Seluk Tan Ne’ebé Iha Lei-Inan No Halo Ninia Rejimentu Internu.

(Arcenio/Domingos/Anis)

How do you react to this article?