Fen Laen Kadeia Tinan 8

28 Agosto 2017
0 Comments
197 View.

Dili – Tribunál Distritál Díli Aplika Pena Prizaun Tinan 8 Ba Kazal Protuguéz Tiago Vilhena Guerra No Cham Fong Guerra No Selu Indeminizasaun Ho Valór Liu Dólar Amerikanu Rihun Atus Walu. Desizaun Ne’e Foti Tamba, Kondenadu Na’in Rua Futu Lia Ho Arguídu Norte Amerikanu Bobby Wale Boye, Hodi Halakon Osan Estadu Ho Valór Dólar Amerikanu Rihun Atus Walu Lima Nulu Resin Sia, Atus Hitu Neen, Vírgula Tolu Nulu.

Relasiona Ho Kazu Ne’e, Ministériu Públiku Akuza Kondenadu Na’in Rua No Araguídu Bobby Boye Ho Krimi Furtu Agravadu No Brankeamentu Kapitál, Ne’ebé Akontese Iha Tinan 2010.

Prosesu Ba Bobby Wale Boye Sei Separadu, Tamba Arguídu Halai Ona Ba Estadus Unidus Amérika. Maibé Defeza José Teixeira La Konkorda Desijaun Ne’e No Promete Atu Halo Rekursu Ba Tribunál Rekursu, Durante Loron 15 Nia Laran. Kondenadu Na’in Rua Fila Ona Ba Sira Nia Rezidénsia, Hodi Hein Prosesu Kontinuasaun.

Audénsia Julgamentu Preside Husi Juíz Koletivu Ana Paula Fonseca, Jacinta Coreia, Eusebio Xavier, Ministériu Públiku Reprejenta Husi Prokuradora Angelina Saldanha Ho Jacinto Babo No Advogadu Privado José Teixeira.

(Max/Anis)

How do you react to this article?