Ema Tuda Malu

Dili – Individu Balun Ne’ebé Envolve Iha Asaun Pasífika Ne’ebé Organiza Husi Movimentu Universitáriu Timor-Leste Iha Segunda-Feira Ne’e, Tuda Transaporte Estadu Ne’ebé Movimenta Iha Kapitál Díli. Transporte Rttl.Ep, Ne’ebé Tula Jornalista Sira Ba Halo Kobertura, Mos Hetan Tuda Husi Manifestante Balun, Iha Àrea Kampus Sentrál Untl.

Maibé, Universitáriu La Tuda Transporte Privadu Ne’ebé Movimenta Iha Kapitál Díli. Fontes Konfirmadu Ida Relata Ba Rttl Katak, Insidente Ne’e Akontese Tamba Ógaun Estadu, La Rona Exigénsia Ne’ebé Aprezenta Husi Universitáriu Sira, Atu Kansela Prosesu Leilaun Ba Transporte Ne’ebé Utiliza Husi Deputadu Sira.

Hafoin Insidente Ne’e, Autoridade Seguransa Mobiliza Kedas Membru Balun Hodi Normaliza Situasaun. Relasiona Ho Akontesimentu Ne’e, Fontes Balun Husi Pntl Haktuir Ba Rttl Katak, Pntl Kapura Ona Autór Na’in Walu Ne’ebé Envolvidu Iha Kazu. Dezde Semana Kotuk, Sosiedade Sívil No Movimentu Universitáriu Timor-Leste Protesta Desizaun Parlamentu Nasionál, Hodi Halo Leilaun Ba Patrimóniu Estadu, Ho Valór Dólar Amerikanu Rihun Walu.

(Dyta/Anys)

How do you react to this article?

You have reacted on "Ema Tuda Malu" A few seconds ago