Presidente Republika Partisipa Enkontro

Dili – Prezidente repúblika Francisco Guterres Lu-Olo sei partisipa iha assembleia jerál ONU, ne’ebé sei realiza iha fulan setembru iha nova iorke.
Ajenda ne’e relata husi primeiru ministru Rui Maria De Araújo, hafoin deskute kustu viajem ba estadus unidos Amérika ho xefe estadu. Líder governu ne’e argumenta, orsamentu viajem seidauk definidu, tamba sei hein hela prosesu formasaun governu.

Dadaun ne’e ministériu finansa no xefe kaza sívil diskute hela possibilidade atu insere kustu viajem xefe estadu ba orsamentu ratifikativu, ne’ebé sei aprova husi parlamentu nasionál.

Maibé, primeiru ministru la justifika ajenda nasionál ne’ebé xefe estadu sei aprezenta iha assembleia jerál ONU. Antes ne’e, sekretáriu exekutivu g7+ Helder Lopes hateten, xefe estadu sei aprezenta rezultadu enkontru husi nasaun frájil, ne’ebé hala’o iha Portugal foin lalais ne’e, kona ba melloria seitór justisa.

(Arcenio/Anis)

How do you react to this article?

You have reacted on "Presidente Republika Partisipa Enkontro" A few seconds ago