JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Komunidade Halerik Be’e Mos

Komunidade Halerik Be’e Mos

Ermera – Komunidade aldeia Leubasa suku Lauana, postu administrativu Letefoho, munisípiu Ermera preokupa ho fornesimentu bé mos durante tempu bailoron. Rezidente husi aldeia ne’ebé lokalizadu iha foho Ramelau hun, tenke la’o kuaze kilométru rua, hodi ba kuru be matan no mota ne’ebé do’ok husi hela fatin.

Preokupasaun ne’e aprezenta husi Rosa Augusta Gomes, relasiona ho asesu bé mos iha fatin refere. Preokupasaun hanesan, aprezenta husi Lino Dos Santos no husu ba governu atu rezolve problema ne’ebé komunidade aldeia Leubasa hasoru.

Iha parte seluk, xefe aldeia Leubasa Alfredo Maia Pires informa, ajénsia internasionál UNICEF instala ona kanzalisaun, maibé fornesimentu bé mos sai problema tamba, solar panél ne’ebé fasilita asesu bé mos, avaria hela. Além de ne’e, komunidade aldeia refere mos preokupa ho kondisaun estrada ne’ebé difikulta mobilizasaun produtu ba merkadu.

(Eusebio/Anis)

How do you react to this article?
Like
Love
Haha
Wow
Sad
Angry
You have reacted on "Komunidade Halerik Be’e Mos" A few seconds ago

Add to Comments Here!!!!

error: Content is protected !!