JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Aplika Kadeia Tinan 8

Aplika Kadeia Tinan 8

Dili – Ministériu públiku husu tribunál atu aplika kadeia tinan 8 ba arguída ho inisiál NG, hanesan na’in ba bar, tamba envolve iha explorasaun sexual no tráfiku humanu. Além de ne’e, ministériu públiku husu atu suspende arguídu ho inisiál EH,CM no DF, ne’ebé akuzadu ho krime hanesan.
Pedidu ne’e aprezenta husi prokurador Jacinto Babo iha julgamentu ne’ebé hala’o iha tribunál distritál Díli kinta feira ne’e. Kazu ne’e akontese iha loron 3 setembru tinan 2014 iha Kolmera – Díli.

Maibé, defensór públiku Eustaqio Guterres, ne’ebé fó asistensia legál ba arguidu sira, husu ba tribunál, atu absolve arguidu husi alegasaun ne’e.
Tuir eustaqio guterres, arguída NG ne’ebé hanesan sidadão Indonézia loke bar no karoke iha Kolmera Díli, ho lisensa husi governu maybe, laiha pratika aktu explorasaun seksual iha bar refere.

Iha primeira interogatóriu, tribunál aplika medida koasaun prizaun preventiva ba arguida EH, enkuantu arguida NG,CM,DF tribunál aplika termu identidade residensia. Hafoin rona alegasaun, tribunál adia julgamentu ba loron 24 setembru hodi rona leitura akordaun. Audénsia julgamentu preside juíz koletivu Maria Modesta, Edita Palmira, Ivan Patricino Antoninho, ministériu públiku reprejenta prokurador Jacinto Babo no defensoria públika reprejenta Eustaqio Guterres.

(Max/Anis)

How do you react to this article?
Like
Love
Haha
Wow
Sad
Angry
You have reacted on "Aplika Kadeia Tinan 8" A few seconds ago

Add to Comments Here!!!!

error: Content is protected !!