Governu La Interfere Ho Klinika Bairo Pite

Dili – Governu la interfere problema interna klínika bairro pité. Pozisaun governu ne’e deklara husi primeiru ministru Rui Maria De Araújo, relasiona ho problema entre doutór Daniel Murpy ho gerente fundasaun klínika bairo pité. Tuir xefe governu, responsável klínika iha kompeténsia tomak atu rezolve problema interna.

Maibé, Rui Maria De Araújo argumenta, governu sei hola medida waihira, klínika refere taka, tamba durante ne’e fó atendimentu di’ak ba povu. Antes ne’e, doador Australianu ameasa atu privatiza klínika refere no hapara kontratu doutor Daniel Murphy. Durante ne’e, governu atribui lisensa ba klínika refere no mos doutór Daniel Murpy, atu fó atendimentu ho gratuíta ba sidadaun. Advogadu Daniel Murphy hateten, doador Autralianu la iha direitu atu provatiza klínia, nem hapara kontratu husi Doutor Daniel.

(Manuel/Anis)

How do you react to this article?

You have reacted on "Governu La Interfere Ho Klinika Bairo Pite" A few seconds ago