JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Estudantes Tuda Malu

Estudantes Tuda Malu

Baucau – Ema ida mate no estudante nain 1 hetan kanek tamba involve iha kazu tuda malu iha postu laga municipiu Baucau. Kazu neé akontese iha ensinu secundaria geral Tekinomata postu administrativu Laga municipiu Baucau segunda-feira neé. Segundu komandante polisia municipiu Baucau superintendente asistente Jony Viana ba rttl katak, kazu neé akontese estudante sira tamba tuda malu ho fasilidades eskola iha sala laran durante prosesu exame iha segundu period.

Tuir Jony Viana, estudante Elidio Ximenes hetan kanek iha isin lolon, no estudante ida seluk Aje hetan kanek todan iha parte ulun tamba tuda ho fatuk depois prosesu exame remata. Kordenadora eskola secundaria geral Tekinomata Cipriana Mateus afirma, prosesu exame segundu periodu paradu tamba hetan intervensaun husi inan-aman estudante.

Hafoin akontesimentu, komando polisia municipiu Baucau halo kedan intervensaun hodi normaliza situasaun neé. Enkuantu vitima Elidio Ximenes halao tratamentu intensivu iha ospital postu Laga, no vitima ida seluk Aje, hakotu iís hafoin transfere kedan mai ospital referal Baucau, tamba grave iha ulun.

(Mario/Cm/Qonusere)

How do you react to this article?
Like
Love
Haha
Wow
Sad
Angry
You have reacted on "Estudantes Tuda Malu" A few seconds ago

Add to Comments Here!!!!

error: Content is protected !!