Limpesa Propaganda Eleitoral

Dili – Comisaun nasionál eleisaun husu ba partidu polítiku sira atu hasai matérial propaganda eleitorál, ne’ebé taka iha fatin públiku. Iha konferénsia imprensa ne’ebé hala’o iha sesta-feira ne’e, prezidente CNE Alcino Barrís hateten, medida ne’e tuir dekretu governu númeru 18 fulan maio tinan 2017, kona ba limpeza ba propaganda eleitorál.

Tuir líder ógaun eleitorál, durante semana ida nia laran, partidu polítiku sira tenke hamos atributu partidu hanesan stiker, banner no panfletu, ne’ebé dadaun taka iha dalan ninin.

Alcino Barrís afirma, CNE sei delega kompeténsia ba polísia atu hamos atributu hirak ne’e, waihira partidu polítiku la kumpre dekretu governu númeru 18 artigu 17. Além de ne’e, órgaun eleitorál sei aprezenta problema ne’e ba ministériu justisa, atu prosesa tuir lei.

(Veronika/Anis)

How do you react to this article?

You have reacted on "Limpesa Propaganda Eleitoral" A few seconds ago