PNTL Munisipiu Dili Planu Leilaun

Dili – PNTL munisípiu Dili sei aprezenta lista transportes públikus ne’ebé priende liu loron 90 ba ministériu públiku hodi prosesa tuir lei.
Segundu komandante PNTL munisípiu Dili, superentendente asistente Euclides Belo, kuarta feira ne’e hateten, transporte públiku hirak ne’e aprezenta tanba la hetan justifikasaun husi nain hafoin priende durante fulan tolu.

Euclides Belo hatutan, hafoin hetan desizaun husi tribunal, diresaun patrimóniu estadu sei hahu halo leilaun ba públiku ka fo ba instituisaun estadu sira ne’ebé presiza. Tuir lei, transportes públikus ne’ebé priende durante loron 90 sein justifikasaun husi nain, sei sai hanesan partimóniu estadu. Entretantu, lista transportes públikus ne’ebé PNTL munisípiu Dili sei aprezenta maka hirak ne’ebé priende husi tinan 2015 to’o 2016.

(juvinal/Eusebio/Eka)

How do you react to this article?

You have reacted on "PNTL Munisipiu Dili Planu Leilaun" A few seconds ago