Militar Obrigatoriu

Dili – Governu tenki kria kondisaun ba forsas armadas, wainhira hakarak implementa militar obrigatóriu. Deklarasaun ne’e hato’o husi xefi estadu maior forsa armadas, maijor jeneral Lere Anan Timor, hafoin enkontru ho xefe estadu iha palásiu presidente Aitarak Laran – Dili quarta feira ne’e, hodi hatan ba programa partidu polítiku balun ne’ebé hakarak implementa lei militar obrigatóriu.

Nia hatutan, atu implementa lei militar ne’e presiza fo atensaun ba infrastrutura, ekipamentu militar no seluk tan hodi garante sustentabilidade instituisaun defesa. Lere Anan Timor hatutan, presiza estuda kondisaun real ne’ebé Timor – Leste enfrenta ba dadaun ne’e, antes hanoin atu kria buat foun ruma.

(Sergio/Domingos/Eka)

How do you react to this article?

You have reacted on "Militar Obrigatoriu" A few seconds ago