Aktividade kampaña Seidauk Regista Kazu

Liquiça – Komisaun nasionál eleisaun seidauk rejista irregularidade durante aktividade kampaña partidária iha municipio Liquiça. Delegado komisaun nacional elisaun – CNE municipio liquica Salustiano Xavier konfirma, observasaun órgaun eleitorál, husi loron 20 fulan juñu to’o loron 11 fulan jullu, seidauk rejista reklamasaun husi públiku.

Tuir Salustiano Xavier, partidu polítiku, militante, simpatizante no públika, iha ona maturidade polítika, hodi exerse direitu polítiku no garante paz no estabilidade. Delegadu órgaun eleitorál ne’e deklara, sei manteín koordenasaun ho partidu polítiku sira, autoridade seguransa, atu garante susesu husi kampaña no eleisaun. Salustiano Xavier apela ba observadór nasionál no internasionál, hodi utiliza kartaun akreditasaun, hodi garante prosesu eleitorál.

(Helio/px)