Prosesu Investigasaun Ba Kazu Asaltu Apoiante

Dili – Kazu asaltu malu entre apoiante partido Khunto ho komunidade Lakluta, tama ona iha ministerio públiku. Informasaun ne’e hato’o husi komandante geral PNTL komisário Julio Hornay, hafoin hasoru malu ho presidenti repúblika Francisco Guteres Lu-Olo, iha palásiu presidensial Aitarak Laran – Dili, quinta feira ne’e. Komisário Julio Hornay esplika, kazu ne’e PNTL investiga ona, antes aprezenta ba ministério públiku.

Iha parte seluk, presidenti CNE Alcino Baris informa, hafoin rona insidente ne’e, parte cne bolu kedas responsável partido Khunto hodi husu konfirmasaun. Alcino Baris husu partido polítiku hotu atu kumpri regras eleitoral ne’ebé cne estabelese. Kazu asalta malu ne’ebé akontese iha loron 01 fulan julho ne’e mosu tanba parte rua provoka malu, wainhira apoiantes partidu Khunto fila husi kampainha, iha posto administrativo Lakluta munisípio Viqueque.

(Alau/eka)

How do you react to this article?

You have reacted on "Prosesu Investigasaun Ba Kazu Asaltu Apoiante" A few seconds ago