Inaugurasaun Eskola

Lautem – Ministru planeamentu no investimentu estratéjiku, Kay Xanana Gusmão, tersa feira ne’e, inaugura eskola ensinu báziku Filial Keri Laran Sabalae, iha Iralafai, Suco Bauro, Postu Administrativu Lospalos, Munsipiu Lautem. Xanana Gusmão hateten, eskola hanaran Saudosu Keri Laran Sabalae, hodi, transmite kontribuisaun saudosu ba nasaun.

Eis komandante falintil ne’e husu ba ministériu edukasaun atu identifika eskola sira hodi fó naran heroi sira. Vice ministra edukasaun Dulce Jesus Soares promote, governu sei halo identifikasaun, hodi hanaran eskola ho naran heroi koñesidu sira, atu nune’e jerasaun foun sira, hatene kontribuisaun husi heroi sira.

Duarte nunes, aktual vice presidente parlamentu nasional no maun husi Keri Laran Sabalae sente kontente ho desijaun governu, hodi hanaran eskola refere ho naran saudozu. Durante periódu rezisténsia, saudozu Keri Laran Sabalae asumi kargu hanesan, sekretariu exekutivu frente klandistina. Maske foin inaugural, eskola refere utiliza kle’ur ona, ba aktividade prosesu aprendisajem.

(João/miguel/anis)

How do you react to this article?

You have reacted on "Inaugurasaun Eskola" A few seconds ago