Presidente husu ba povo hotu hakmatek

Dili – Presidente da republika husu ba povo tomak atu kria situasaun hakmatek durante periodo kampanha partidus politikus. Mensazem ne’e hato’o husi chefe casa sivil presidensia republika francisco vasconselhos, iha jornada da paz nebe organiza husi deocese dili ho tema “muda o nia fuan muda timor” iha sabadu foin lalais.

Xefe estadu mos husu ba partidus politikus hodi sukat lia fuan no labele sadik malu, durante kampanha hodi evita problema. Iha mensazem prezidente republka ne’e mós husu ba povu hotu atu hili partidu ne’ebé nia programa politika diak ba rai ida ne’e. Tuir kalendariu cne, periodo kampanha politiku sei hahu tersa-feira, loron 20 fulan junñu to’o 19 jullu 2017. No eleisaun sei akontese loron rua depois eleisaun remata ka loron 22 fulan jullu.

(Anica/eko)

How do you react to this article?

You have reacted on "Presidente husu ba povo hotu hakmatek" A few seconds ago