Tomada de pose struktura kpk fahiria

Aileu – PNTL munisípiu aileu seidauk estabelese konsellu polísiamentu komunitáriu – kpk, iha suku 22. Maibé, autoridade seguransa aileu, konsege estabelese kpk iha suku 11. Dadus ne’e relata husi komandu pntl munisípiu aileu iha tomada de posse ba estrutura polísiamentu komunitáriu suku fahiria, sesta-feira semana kotuk. Presidente konsellu seguransa aileu superintidente damião da silva correia hateten, estrutura polísiamentu komunitáriu hamutuk na’in 10 husi suku fahiria, simu ona formasaun kona ba papel polísia komunitária, ne’ebé organiza husi fundasaun àzia.

Estutura polísiamentu ne’e kompostu husi ofisial polísia suku, líder komunitáriu, juventude no veteranus. Administrador municipio no vice presidente konsellu siguransa municpio aileu joão tilman do rego husu ba membru kpk, atu assegura seguransa iha suku. Tomada de posse ne’e konta ho partisipasaun husi reprezentante governu nova zelándia, fundasaun àzia, líder komunitáriu no komunidade suku fahiria.

(Emilia/px)

How do you react to this article?

You have reacted on "Tomada de pose struktura kpk fahiria" A few seconds ago