Xanana Husu Seitor Privadu La’os Hanoin De’it Projetu

Tibar – Ministru Planeamentu Estratejiku No Investimentu Kay Rala Xanana Gusmão Husu Seitor Privadu Hahu Investimentu Iha Seitor Industrial.
Kestaun Ne’e Xanana Levanta Uainhira Halo Lansamentu Primeira Pedra Ba Portu Tibar Kuarta Feira Ne’e.
Tuir Eis Guirileiru Ne’e Katak, Seitor Privadu La’os Halo De’it Hotel Depois Turista Sira Husi Rai Liur Mai Hemu Bee, Hemu Jus No Han Super Mie Sira Mai Husi Rai Liur Nian.

Eis Primeiru Ministru V Governu Konstitusional Ne’e Afirma, Seitor Privadu La’os Ba Hadau De’it Projetu Depois Hotu Ona, Tenke Iha Ona Hanoin Atu Harii Sentru Industrial Iha Timor Hodi Halo Fali Esportasaun Sasan Ba Rai Liur.
Atu Hamoris Seitor Privadu Iha Area Ne’ebe Sita, Governu Oras Ne’e Hein Hela Banku Sentral Atu Fo Espasu Ba Banku Komersial Sira Iha Timor Hodi Fo Kreditu Ba Mikro Pekena Empreja Sira Hodi Hahu Dezenvolve An.

(Manuel/Eko)

How do you react to this article?

You have reacted on "Xanana Husu Seitor Privadu La’os Hanoin De’it P..." A few seconds ago