Tribunál Julga Kazu Rai Bebonuk

Dili – Esforsu Tribunál Distrital Díli Atu Konsilia Autor Ho Inisial Ag No Reu Ho Inisial Jg, La Hetan Solusaun.
Tentativa Konsiliasaun Husi Tribunál Ne’e, Relasiona Ho Atitude Autor Ag Ne’ebé Hari Uma Iha Tinan 2016, Iha Propriedade Estadu Ne’ebé Aluga Husi Reu Jg, Hanesan Mós Na’in Ba Timor-Plaza. Iha Julgamentu Kinta-Feira Ne’e, Autor Ho Inisiál Ag Justifika, Konstrusaun Rezidénsia Iha Área Refere, Hetan Koñesimentu Husi Autoridade Lokal Bebonuk, Suku Comoro.

Tribunal Utiliza Kódigu Sívil Artigu 385 Atu Halo Konsiliasaun Ba Disputa Rai Ne’ebé Envolve Autor No Reu, Tamba Kazu Refere Ho Natureza Sívil.
Autor Ag Deklara Ninia Prontidaun Atu Muda Sai Husi Fatin Refere, Waihira Reu Fó Indeminizasaun Ho Dólar Rihun Atus Ida Ba Uma Rua Ne’ebé Hari’i Iha Àrea Refere. Iha Parte Seluk, Reu Informa Uma Rua Hari’i Ona Iha Àrea Fomentu, Maibé Autor Lakohi Utiliza.

Tuir Reu, Propriedade Estadu Ne’ebé Timor-Plaza Aluga Sei Selu Arrendamentu Ba Estadu.
Tamba La Hetan Solusaun, Tribunál Hadi’a Julgamentu Maibé La Difini Data Fixu, Nune’e Autor No Reu Hein De’it Notifikasaun Husi Tribunál.
Julgamentu Ne’e Prezide Husi Juiz Singular Eucebio Xavíer, Ministériu Públiku Reperejenta Husi Prokurador Pascascio Alves No Cancío Xavier Mak Representa Husi Ministériu Públiku.

(Max/Anis)

How do you react to this article?

You have reacted on "Tribunál Julga Kazu Rai Bebonuk" A few seconds ago