Julga Kazu Baku Jornalista

Dili – Ministériu Públiku Akuza Arguídu Ho Inisiál Jt, Membru Polísia Tranzitu Ho Krime Ofensa Integridade Fízika Simples, Tamba Basa Jornalista Ho Inisial Jads.
Akuzasaun Ministériu Públiku Ne’e Lee Husi Juiz Maria Solana, Iha Audiénsia Julgamentu Ne’ebé Hala’o Iha Tribunál Distrital Díli, Kuarta-Feira Ne’e. Arguídu Basa Lezada, Iha Loron 25 Fulan Juñu Tinan 2016 Iha Kolmera Díli, Waihira Lezadu, Hasai Fotografia Ba Aktividade Pasa Revista Husi Polísia Tránzitu Ba Kareta Ne’ebé Para La Tuir Kódigu Estrada. Relasiona Ho Insidente Ne’e, Ministériu Públiku Akuza Arguídu Ho Kódigu Penál Artigu 145 Kona Ba Ofensas Integrada Fisika Simples.
Durante Julgamentu, Arguídu Jt Nega Katak, Baku Jornalista Jads, Maibé Insidente Ne’e Reforsa Ho Gravasaun Cctv Ne’ebé Lezadu Entrega Ba Ministériu Públiku. Tuir Ajenda, Julgamentu Sei Hala’o Iha Loron 20 Fulan Jullu, Hodi Rona Deklarasaun Sasin Husi Ministériu Públiku.
Julgamentu Ne’e Prezide Husi Juiz Singular Maria Solana, Ministériu Públiku Reprejenta Prokurador Reinato Bere Nahak No Defensor Públiku Reprejenta Marcal Mascarinhas.

(Max/Anis)

How do you react to this article?

You have reacted on "Julga Kazu Baku Jornalista" A few seconds ago