Lei Anti Korupsaun

Dili – Sosidade sivil husu ba parlamentu nasionál, atu fó prioridade ba diskusaun no aprovasaun lei anti korupsaun. Pedidu ne’e aprezenta husi director programa monitorizasaun sistema judisiáriu – JSMP José Oliveira Sampaio, relasiona ho mandatu husi deputadu lejislatura datoluk, ne’ebé sei remata iha tempu besik.

Exekutivu ne’e argumenta, lei anti korupsaun ne’e importante, maibé parlamentu nasional seidauk ajenda ba diskusaun. Tuir José Oliveira Sampaio, deputadu sira preokupa liu aktividade partidária no ignora lei ne’ebé konsideradu importante.

Dirijente JSMP ne’e afirma, aprovasaun lei anti korrupsaun sei kontribui ba komitmentu atu halakon korupsaun iha Timor-Leste. Entretanto, lei anti korupsaun agora tama ona iha meza comisaun A, hodi halo diskusaun ba relatório pareser, antes submete ba plenária hodi halo diskusaun no aprovasaun.

(Alau/Max/Anis)

How do you react to this article?

You have reacted on "Lei Anti Korupsaun" A few seconds ago