Hospital Katolika Surabaya Fo Tratamentu Gratuita

Dili – Doutor espesialista na’in 5 husi hospitál katolika vinsensio Surabaya Indonezia, fó konsulta gratuíta ba sidadaun na’in 150, husi Parókia Santa Maria Auxiliadora Comoro – Díli. Konsulta gratuíta ne’e hahu iha sexta-feira no remata iha Sábadu fim de semana.
Vise prezidente konsello Pastoral Jejuinha Gomes hateten, doutor espesialista sira konsege atende moras diabetes, ruin sin, kabun moras no tensaun. Hafoin halo atendimentu, espesialista sira passa reseita ba pasiente sira, hodi hetan aimoruk iha apotik no sentru saúde.
Tuir Pároku Maria Auxiliadora Comoro Elias Maia de Deus, konsulta doutor espesialista ne’e, entrega iha komemorasaun, aniversáriu parókia ba dala 25. Padre Elias Maia de Deus informa, doutor espesialista sira sei halo sosializasaun ba klínika ne’ebé pertense ba Igreija, hodi fó atendimentu ba moras sira.
(Sergio/Anis)







Add to Comments Here!!!!