Konjelador Iha Hospital Referensia Rejiaun Autónoma Oecusse Avaria

Oecusse – Konjelador Iha Hospital Refer’ensia Rejiaun Autónoma Oecusse Avaria, prejudika mate isin ne’ebé kongela iha mortuáriu hodi submete ba prosesu autópsia. Informasaun ne’e relata husi Domingos Saco Colo, aman husi matebian Paulina Cristiana Saco Colo, ne’ebé deskonfia mate tamba soke husi eletresidade, iha semana kotuk.

Tuir Domingos Saco Colo, mate isin foin rai durante loron hat, maibé i’is maka’as no afekta ba família ne’ebé hein moras iha hospitál. Hatan ba preokupasaun ne’e, direktur hospital Oe-cusse Manuel Da Costa rekoñese, kongelador iha mortuáriu, avarida kuaze tinan ida ona.

Iha fulan Abril foin lalais ne’e, autoridade rejiaun autónoma oecusse halo ona tenderizasaun ba manutensaun konjelador. Manutensaun ba konjelador sei exekuta husi kompaña mantan no oras ne’e dadaun, hein hela importasaun material husi Austrália. Manuel Da Costa promete, prosesu manutensaun sei hahu iha fulan juñu.

(Paulino/Cm/Anis)

How do you react to this article?

You have reacted on "Konjelador Iha Hospital Referensia Rejiaun Autó..." A few seconds ago