PN Halo Lansamentu Ba Radio PN

Dili – Parlamentu Nasional lansa fatuk dahuluk, torre ba rádio parlamentar. Programa ne’e ho intensaun atu fasilita komunidade sira, hodi assesu hetan asesu ba programa husi parlamentu nasional. Iha lansamentu ne’eb’e realiza iha segunda-feira ne’e iha fatu-ahi Díli, vice presidenti parlamentu nasional Duarte Nunes hateten, rádio parlamentar sei trasmiti aktividade husi deputadu sira ba públiku.

Tuir Duarte Nunes, rádio parlamentar sei funsiona iha mandatu lejislatura oin mai. Iha parte seluk, xefi divicao de redacao audivisual transcricao e documentacao Almerio Baros hateten, rádio parlamentar sei transmite informasaun kona ba reuniaun parlamentar, komisaun no aktividade parlamentar seluk.

Almerio Baros garante, rádio parlamentar sei ajuda públiku hodi hetan asesu aktividade parlamentar, no mos liu husi informasaun ne’eb’e disponibiliza iha website parlamentu nasional.

(Alau/Anis)

How do you react to this article?

You have reacted on "PN Halo Lansamentu Ba Radio PN" A few seconds ago