Parlamentu Nasional Aprova Votus Apezar

Dili – Parlamentu nasional aprova votus apezar hodi fo homenazen ikus ba saudosu Mario Viegas Carascalao. Votus apezar ne’e aprova ho votus afabor 49, kontra no abstensaun 0 iha Parlamentu Nasional segunda feira ne’e. Hafoin mate isin saudosu Mario Viegas Carascalao presta homenazen ikus iha Parlamentu Nasional, bancada 4 nebe representa povo iha fukun parlamentu fo mos sira nia mensazen ikus ba saudozu.

Presidenti bancada Frente mudansa, Jose Luis Guterres hateten, saudosu Mario Viegas Carascalao merese hetan votus apezar husi Parlamentu Nasional, tamba kontribui ba Timor Leste nia luta. Husi bancada PD, deputado Adriano do Nascimentu lori partido demokratiku hamutuk ho militante tomak iha Timor-Leste fo homenazen ikus ba saudozu Mario Viegas Carascalao, nudar luta nain ba rai ida ne’e.

Iha fatin hanesan bancada Fretilin no CNRT mos fo mensazen ikus ba saudosu Mario Viegas Carascalao, no deklara saudosu nudar mos fundador ba nasaun ida ne’e liu nia luta contra corupsaun.

(Alau/Felya)

How do you react to this article?

You have reacted on "Parlamentu Nasional Aprova Votus Apezar" A few seconds ago