Amérika Apoiu Timor Leste Tama ASEAN

Dili – Estadus Unidus Amérika apoiu Timor Leste tama ASEAN. Apoiu ne’e hato’o husi adjunto gabinete Azia sudeste no pásifiku, Patrick Murphy, nebe’e hetan nomeiasaun ofisial husi Prezidente Amérika Donald Trump, hodi partisipa iha tomada de posse prezidente eleitu no restaurasaun independensia 20 de maio.

Patrick Murphy afirma, diak liu Timor Leste tama ASEAN hodi sai membru, tamba Amerika iha kooperasaun nebe’e diak ho organizasaun ASEAN. Maski nune’e, Amérika la iha papel atu halo intervensaun, maibe suporta Timor Leste atu adere ba organizasaun ASEAN, tamba Amérika hatudu komitmentu ko’operasaun diak ba rejiaun Azia sudestiku.

Entertantu, oras ne’e dadauk Governu prepara hodi priense kriterius nebe’e nasaun sira iha Azia fo’o. Nasaun sira iha Azia sudeste apoiu Timor Leste nia adezaun maibe tenki hadia diak liu tan seitor ekonomia no seguransa rai laran.

(Qonusere/Felya)

How do you react to this article?

You have reacted on "Amérika Apoiu Timor Leste Tama ASEAN" A few seconds ago