PR Fo Pose Ba Presidente Tribunal Rekursu

Dili – Presidente repúblika Taur Matan Ruak, oficialmente fo pose ba presidente tribunal rekursu foun Juis Deolindo dos Santos. Seremonia pose ne’e halao iha palacio presidente Dili sesta feira ne’e.

Taur Matan Ruak iha nia diskursu husu Presidente Tribunal Rekursu Deolindo dos Santos kria kondisaun ba Juis Internasional nebe kualifikadu no esperensia atu ajuda Juis Timor oan. Alende ne’e, chefe estado egigi instala supreme tribunal, kontrola despesa estadu husi konta geral estadu no tau matan kombate korupsaun no reve lei nebe simples no adapta tuir Timor Leste nia realidade.

Iha fatin hanesan, Presidente Tribunal Rekursu Juis Deolindo dos Santos promete, sei fo’o prioridade ba inspesaun judicial nebe paradu desde 2011 antes kontinua análiza no foti decisaun ba kasu korupsaun nebe mak involve eis membros governu.

Entretantu Juis Deolindo dos Santos halao knar hahu tinan 2002 iha tribunal rekursu.

(Julio/Felya)-280417

How do you react to this article?

You have reacted on "PR Fo Pose Ba Presidente Tribunal Rekursu" A few seconds ago