Deolindo Dos Santos, Presidente Tribunal Rekursu

Dili – Juis Conceleiro Deolindo dos Santos nomeado ba Presidente Tribunal Rekursu foun. Juis Conceleiro Deolindo dos Santos nomeia husi presidente repúblika Taur Matan Ruak quarta-feira ne’e.

Deolindo dos Santos substitui Presidente Tribunal Rekursu Guilermino da Silva nebe apresenta karta resignasaun ba Presidente Repúblika Taur Matan Ruak tanba questaun saude.

Komunikadu nebe rttl hetan asesu quarta-feira katak, nomeiasaun ne’e atu asegura serbisu orgaun judisial iha Timor Leste. Entretanto, Presidente Tribunal Rekursu foun Deolindo dos Santos lisensiado husi fakuldade direito universidade Patimura-Ambon-Indonesia.

Iha tinan 2000 nia hahu hala’o kareira nudar judisial hafoin iha tinan 2011 nomeia ba tribunal rekursu. Mandatu Presidente Tribunal rekursu foun sei hahau iha tinan 2017 no sei remata iha tinan 2021. Posse ba presidente foun sei hala’o iha sesta-feira semana ne’e.

(ARCÊNIO/FELYA-2604017)

How do you react to this article?

You have reacted on "Deolindo Dos Santos, Presidente Tribunal Rekursu" A few seconds ago