Tribunal Rekursu Seidauk Iha Posisaun Ba Lei Rua

Dili – Tribunal Rekursu seidauk halo fiskalijasaun preventiva ba lei eleitoral parlamentar. Presidente tribunal rekursu, Guilermino da Silva hato’o questaun ne’e relasiona pedido xefe estadu ne’ebe dúvida ho lei eleitoral parlamentar artigu ida ne’ebé hateten katak/ deputadu ida bele lakon mandatu, karik la obedese disiplina partidu nian.

Lider órgaun judisiáriu ne’e justifika, seidauk halo fiskalizasaun, tamba foin simu pedidu husi xefe estadu Taur Matan Ruak semana rua liu ba.

Iha fatin hanesan, tribunal rekursu mos seidauk halo fiskalijasaun preventiva ba pakote lei rai. Lei ne’e xefe estado Taur Matan Ruak sei dúvida ho ekilíbriu entre sistema normas ne’ebé mak uza iha prosesu rekoñesimentu ba títulu propriedade uluk nian.

Tuir dokumentu ne’e, prezidente repúblika mos dúvida ho kondisaun asesu ba direitu no tribunál sira hodi define propriedade ba rai. Enquanto, tempu ba fiskalijasaun sei hala’o durante loron rua nulu resin lima laran ne’ebe sei remata iha semana oin mai.

(ARCÊNIO/FELYA)-1704017

How do you react to this article?

You have reacted on "Tribunal Rekursu Seidauk Iha Posisaun Ba Lei Rua" A few seconds ago